Oggu-pínu-ponsan okkar er komin ......

Lífið er dásamlegt og hefur okkur fjölskyldunni fæðst lítil prinsessa ..

Þakklætið og gleðin er allsráðandi í okkar lífi í dag.....

Ást til ykkar 

Ásthildur Skessuskott.

Smá montfærsla ....

Jæja þá er það að bresta á að krílið komi í heiminn..

Tilhlökkunin hjá bræðrunum er orðin mikil og ekki er laust við að foreldrarnir séu að springa úr spenning ;o)

En undanfarna mánuði er ég búin að vera að dunda mér við að prjóna heimferðar-sett, ég hef aldrei áður prjónað úr lanett og á prjóna númer 2,5 og er þetta því dálítill sigur hjá mér og er ég bara þokkalega sátt við útkomuna og nú get ég ekki hætt að prjóna svona fínt og lítið.

En dæmi hver fyrir sig um útkomun :o)

 Hér er allt settið tilbúið fyrir krílið til að koma heim í :o)

Hér er svo önnur peysa sem að ég gerði og er frekar ánægð með  

við næstu færslu verð ég orðin 3 barna móðir, undarleg tilhugsun en jafnframt spennandi og hrillilega skemmtileg.

En kæru vinir þar til næst

risavaxið knús á ykkur og ég þakka af öllu hjarta öll sporin sem að þið skiljið eftir ykkur hér á síðunni.

Ást á ykkur 

Ásthildur skessuskott.

Líður að komu......

Jæja nú fer að líða að því að litla krílið okkar komi í heiminn,

allt að verða klárt og búið að krútta og dúlla herbergi okkar hjónanna upp svo um munar.

Í þessum pósti ætla ég að monta mig af kommóðunni sem að ég tók í yfirhalningu.

Svona var hún fyrir:

Það þurfti ansi mikið að pússa og sparsla greyið en hún fékk fullt af ást og umhyggju :o)

Þetta er bara pínulítið sýnishorn af því hversu mikið þurfti að vinna hana.

Ég verslaði nýja hnúða á hana í Brynju á Laugarveginum, og ég verð að segja að mér finnst þeir gordjöss...

Og ekki má gleyma litla hjartanu sem að ég föndraði handa prinsessunni.....

Þennan ramma fann ég í góða vini mínum góða hirðinum :o) 

Hann fékk "smá" maikóver.

Svo prentaði ég út fallegt vögguljóð og setti í hann, fiðrildin voru svo svona aðeins til að krútta hann ennþá meira upp :o)

Þennan lampa er ég búin að eiga í langan tíma en hann vantaði nýja snúru og nýtt perustæði.

Ég var lengi búin að leita að "SKERMINUM" en fann engan sem "passaði" rétt....

Þannig að góði hirðirin fékk enn eina heimsókn frá mér þar sem að ósköp ljótur og skítugur hvítur skermur var ættleiddur fyrir 50 kr og fékk hann fyrst 2 umferðir af lilla bleikum lit.... 

hmmm það passaði samt ekki og var ég ekki nógu sátt, en aha viti menn ég mundi allt í einu eftir efni sem að ég verslaði mér í IKEA og prufaði ég að bera lím á skerminn og viti menn ég var fallin fyrir honum !!!!!!

Finnst ykkur hann ekki krúttlegur????

En þar til næst (fyrir eða eftir komu krílis veit ég ekki) 

Takk fyrir innlitið og endilega skiljið eftir ykkur línu og segið mér hvað ykkur finnst :o)

Ást og friður 

Ásthildur skessukott.

I love it maður.......

Jæja þá er hreiðurgerðin alveg að taka sér bólfestu í mér svo um munar!!!!

Ég er búin að pússa upp borðstofuborð, sófaborð og svo núna kommóðu fyrir krílið, og verkefna-lisitnn er ekkert að styttast heldur bætist á hann á hverjum degi!!!

Ég ætlaði að vera ægilega patent og gerði mér lista yfir það sem að ég ætlaði að gera í Júlí og svo það sem ég ætla að gera í Ágúst,eennn obbosííííí öll verkefni í júlí eru búin sem og öll hin sem að bættust við hehe

og ekki er nú mikið eftir af ágúst listanum :o)

En hér er smá innsýn í það sem að ég hef verið að gera og svo ætla ég að setja inn færslu með myndum af verkefnunum þegar þau eru öll fullunnin :o)

En hér er nýjasta verkefnið, kommóða fyrir prinsessubaunina í bumbunni....

Hún var ansi illa farin og þurfti ég að sparstla alveg helling í hanan hér og þar...

 Búin að pússa yfir og sparstla í aðra hliðina

 Hér er ég að pússa upp plötuna á sófaborðinu mínu, ég ákvað að leifa viðnum að njóta sín á plötunni en lakkaði fæturna hvíta, svo er bara að sjá á morgun hvernig það kemur út ...

 Hér er ég svo rykug og úfin eftir pússeríið :o)

En þar til næst

Ásthildur Skessuskott

Stundum, bara stundum.......

Stundum, bara stundum (en samt eiginlega alltaf) vildi ég óska þess að ég hefði stórt þvottahús með fallegum stórum skápum þar sem að hægt væri að hafa föt allra fjölskyldumeðlima, ekkert mál að ganga frá og ekki mikið vesen að fara með skítug föt í þvottakörfuna hóst, hóst.....

Þetta þvottahús (sem ég fann með hjálp Google) finnst mér alveg snilld...

 Ekki það að ég væri hrifnari af því að hafa innréttinguna alveg hvíta og stílinn pínu shabby :o)

Þessar óhreinataus körfur finnst mér alveg frábærar og meira að mínum stíl..

 Þessar grindur eru algjör SNILLD að mínu mati og algjörlega minn stíll og sá stíll sem að ég mundi vilja hafa í þvottahúsinu.

Sko algjörlega ég :o)

Nú er ímyndunar aflið komið á fleigi ferð og ef að ég væri ekki með risa kúlu framan á mér myndi ég ráðast í meiriháttar framkvæmdir !!!

En ég get huggað mig við að ég er að fara í árs fæðingarorlof og trúðu mér það verður tekið til hendinni hahahaha

En þar til næst læt ég mig dreyma áfram ...

Eigið ljúfa drauma kæru vinir,

ykkar Ásthildur skessuskott

Borð um borð frá.....

Jæja þá er borðið farið að taka á sig mynd, það er búið að grunna 3/4 af fótunum og undir borðplötunni :o)

 Búin að pússa allt gamalt lakk og bæs af ..

 Grunnurinn kominn á 

 Allt að gerast..

Svona fer fyrir þeim semvinna úti í 9 tíma án þess að bera á sig sólarvörn í allri vinnugleðinni hahahha

En mig er farið að hlakka gífurlega til að vera búin með þetta og koma því fyrir í borðstofunni :o)

Dásamlegt !!!

Ást og friður 

Ásthildur Skessuskott

Nóg að gera .....

Jæja þá er mín komin á fullt í húsgagna makeover...

Þetta borð fékk ég gefins frá frábæra pabbanum mínum, en hann var að fá sér nýtt borð,

í fyrsu ætlaði ég að hafa það á pallinum hjá mér en þegar það var komið í hús þá stóðst ég ekki mátið að  skipta út borðinu sem ég er með í borðstofunni og hafa þetta í staðinn, svo að í dag byrjaði ég að vinna það upp og svo verður það lakkað hvítt hvítt hvítt!!

Mikið svakalega hlakka ég til að sjá hvernig það á eftir að koma út og svo ég tali nú ekki um hversu bjartara á eftir að vera í stofunni minni :o)

Eintóm gleði...

En í næstu færslu ætla ég að setja inn myndir af vinnuni og útkomunni ..

hlakka til 

Ásthildur Skessuskott...